Inflacioni mbetet i rrezikuar
Blerina Hoxha
Rreziqet ne ekonomi per rritjen e inflacionit jane te njejta si me pare. Ky ka qene rezultati ne lidhje me pritshmerite e Bankes se Shqiperise per zhvillimet ne sektorin e cmimeve. Keshilli i Mbikeqyrjes se BSH analizoi dje zhvillimet monetare gjate dy muajve te fundit te vitit, dhe vendosi te mbaje te pandryshuar normen e interesit 6,25 per qind. Analiza e balances se rreziqeve, si dhe parashikimet per inflacionin ne dymbedhjete muajt ne vijim, japin sinjale per nje situate me te balancuar midis faktoreve me natyre nxitese dhe frenuese ndaj presioneve inflacioniste ne ekonomi. Megjithate, faktoret e rrezikut jane ende te pranishem dhe te njejte me ata te cituar me pare nga ana e Bankes se Shqiperise, behet e ditur ne deklaraten e bankes. Per kete arsye, Keshilli Mbikeqyres i Bankes se Shqiperise gjykon se, ankorimi i pritjeve inflacioniste rreth objektivit numerik prej 3 per qind ne te ardhmen e afert dhe ate me te larget, dikton nevojen per nje kujdes te madh ne analizen e bilancit te faktoreve te rrezikut. Nga ana tjeter, norma vjetore e inflacionit ne muajin dhjetor rezultoi 3,1 per qind, shume afer objektivit te synuar prej Bankes se Shqiperise. Muaji dhjetor vazhdoi prirjen renese qe u shfaq ne muajin nentor. Ne muajin nentor, ritmi vjetor i kredise per sektorin privat eshte ngadalesuar ne 49 per qind. Por, me gjithe ngadalesimin e ritmit vjetor, ndikimi i kredise ne zhvillimet monetare dhe ato makroekonomike mbetet potenciale. Rritja aktuale e kredise ka ruajtur ndikimin kryesor ne zgjerimin e parase se gjere ne ekonomi dhe pjeserisht. Sinjalizimi per shtrengimin e kushteve monetare ne tremujorin e fundit te vitit ka vazhduar te percillet ne tregje edhe gjate muajit dhjetor. Te dhenat e fundvitit flasin per rritje te perqindjeve ne tregun e parase, ne tregun e letrave me vlere, ne depozitat dhe ne kredine per ekonomine. Ne muajin dhjetor, leku, ne terma nominale efektive me baze vjetore, rezulton i mbicmuar me 1,5 per qind. Kjo shifer eshte e krahasueshme me ate te nje viti me pare. Situata e qendrueshme makroekonomike si dhe zgjerimi i diferences midis normave te interesit te monedhes vendase dhe atyre te huaja sigurojne mbeshtetje te presioneve mbicmuese te monedhes vendase.