Doganat, skaneret e kontrollit me koncesion

Kontrollin e mallrave me skaner doganat do ta japin me koncesion, per shkak se blerja e pajisjeve ka vlere te larte. Lajmin e beri te ditur dje drejtori i Pergjithshem i Doganave, Perparim Dervishi, ne nje takim me anetare te Dhomes Amerikane te Tregtise.
Kontrolli i konteniereve dhe i mjeteve te renda eshte e veshtire te behet fizikisht dhe per kete pune sherbejne skaneret. Ndersa kane tentuar te blejne nje skaner ne Kine, dhe kane kuptuar se vlera e tij eshte mjaft e larte dhe paraqet nje projekt me kosto, doganat kane menduar t'ia kalojne kete proces me koncesion firmave private. Keshtu ideja qendron ne dhenien me koncesion te se drejtes per te blere skanerin, per ta montuar ne pikat doganore dhe per te menaxhuar procesin e punes me to. "Firmat private do te punojne me punonjesit e doganave, duke i trajnuar per perdorimin e aparaturave dhe do te perfitojne edhe vete nga ky proces. Me pas do te jene doganat, ato qe do te marrin ne duar procesin e menaxhimit te skanereve qe do te vendosen ne cdo pike doganore", tha Dervishi. Me kete mase, drejtuesit e doganave shpresojne te rrisin efikasitetin e punes dhe te kontrollit ne dogana, pasi masat e marra deri me sot kane shfaqur problematiken e tyre. Duke folur per projektet e 2008, drejtori i Doganave ka bere te ditur se ka pasur kritika nga BE ne lidhje me faktin e mos azhornimit te nomenklatures se kombinuar te mallrave, por jane duke u marre te gjitha masat qe ato te vendosen ne sistem, ne mars te 2008.