Integrimi Meta opozita bllokoi statusin

Kryetari i LSI-së Ilir Meta thotë se tashmë pas çlirimit nga akuzat për korrupsion është i gatshëm të japë kontributin e tij  për integrimin e vendit. Kjo ishte përgjigja e ish-zëvendëskryeministrit i pyetur  nëse do të marrë pjesë në qeveri pas shpalljes i pafajshëm nga akuzat.
Kreu Meta akuzon opozitën për qëndrimet e saj bllokuese pa të cilat, shprehet kryetari i LSI-së, vendi do ta kishte marrë statusin kandidat në kohë. Këto deklarata, kryetari i LSI-së, Ilir Meta i bëri publike pas takimit festiv që zhvilloi me rastin e 8 Marsit në Berat, me gra anëtare dhe simpatizonte të LSI-së në këtë qytet.