Interi interesohet për mesfushorin Jaja Ture

Milano - Klubi i Interit bën të ditur zyrtarisht se është i interesuar për të marrë nga Barcelona shërbimet e mesfushorit Jaja Ture. Futbollisti nga Bregu i Fildishtë kaloi një sezon të mrekullueshëm me katalanasit, duke arritur të fitojë çdo kompeticion që i doli përpara.

Interi interesohet prej kohësh për shërbimet e 26-vjeçarit. Kampionët e Italisë kërkojnë të krijojnë një ekip të denjë për të konkurruar në futbollin evropian. Objektivi kryesor i skuadrës së Hoze Murinjos për sezonin tjetër do të jetë Liga e Kampioneve.