Interi kërkon brazilianin Diego

Hoze Murinjo kërkon të përforcojë Interin për pjesën e dytë të sezonit dhe objektivi i teknikut luzitan është braziliani Diego. Mesfushori i Verder Bremenit shihet si alternativa ideale për të luajtur pas shpinës së dy sulmuesve. Momentalisht, zikaltërit praktikojnë skemën 4-3-3, por Murinjo po mendon të hedhë në fushë formacionin 4-4-2, të njëjtin që përdorte edhe paraardhësi i tij, Roberto Mançini. Oferta do të bëhet që prej merkatos së janarit, ndërsa në garë janë edhe Juventus e Fiorentina.