Interi ofron 25 milionë euro për Tiago Motën

Milano - Interi është duke menduar seriozisht për të marrë shërbimet e futbollistit të Xhenoas, Tiago Mota. “Tuttosport” njofton se presidenti Morati ka ofruar 25 milion euro për të marrë kartonin e mesfushorit.

Klubi milanez mund të shfrytëzojë shitjen e Obinas, Suazos dhe Burdisos për të grumbulluar paratë e nevojshme për Motën.

Po sipas “Tuttosport”, trajneri Hoze Murinjo po mendon për një tjetër pistë, atë të Obi Mikelit nga Çelsi.