Irak, 16 të vdekur nga një sulm me bombë

Përgjaket sërish Iraku nga një atentat me bombë. Bilanci i viktimave nga shpërthimi i djeshëm i një autobombe në një treg në pjesën perëndimore të qytetit irakian Amiriya, ka arritur në 16 të vdekur dhe 30 të plagosur, deklaroi kryetari i këshillit lokal të qytetit, Sharqiya al-Isaw i.
Policia irakene e qytetit Amiriya kishte deklaruar më parë se nuk kishte dijeni për bilancin e saktë të viktimave, por deklaroi një bilanc prej 20 viktimash, duke përfshirë të vdekurit dhe të plagosurit.