Iran: Kërkohet arrestimi i liderit të opozitës Musavi

Agjencia zyrtare e lajmeve IRNA citon Jedullah Xhavanin të ketë thënë se dy figurat reformatore i kanë prirë asaj që ai e ka quajtur “grusht shteti të kadiftë”, i cili synonte rrëzimin e sundimtarëve klerikë të Iranit.

Sipas raportit, Xhavani ka thënë se këta dy burra dhe Mehdi Karubi, një reformator tjetër, i cili garoi për president, duhet të sillen para drejtësisë dhe zyrtarëve të kundërzbulimit.