Iran, forcat qeveritare dhunë mbi protestuesit

Në kryeqytetin iranian ,Teheran forcat qeveritare kanë ushtruar dhunë mbi demonstruesit që protestonin kundër presidentit Ahmadinexhad.

Sipas faqeve të internetit të opozitës forcat e regjimit kanë përdorur shkopinj gome për të shpërndarë protestuesit, ndërsa qindra të tjerë janë arrestuar.
 

Më herët opozita kishte bërë thirrje për demonstrata paqësore me rastin e dyvjetorit të rizgjedhjes së kontestueshme të presidentit iranian, Mahmud Ahmadinexhad. Sipas opozitës zgjedhjet e 12 qershorit 2009 janë manipuluar.