Irani hedhë poshtë akuzat për përfshirje në Siri

Irani ka hedhur poshtë sot akuzat e bëra nga Bashkimi Evropian rreth përfshirjes së Gardës Revolucionare të Iranit në shtypjen e protestave në Siri. Zëdhënësi i Ministrisë së Jashtme të Iranit, Ramin Mehmenparast, ka thënë se BE-ja është duke bërë propagandë kundër Iranit.

Bashkimi Evropian, më 24 qershor ka akuzuar tre zyrtarë në Gardën Revolucionare të Iranit duke vënë sanksione si ndalim udhëtimi dhe ngrirje të aseteve për shkak se kanë përkrahur regjimin e Presidentit të Sirisë, Bashar al Asad për shtypjen e vazhdueshme që ju bëhet protestave.