Irani ndërhyn në valët e BBC-së ,DW-s dhe VOA-s

Ata denoncuan këtë akt përmes një komunikate të përbashkët të publikuar sot.      Grupet e medias britanike, gjermane dhe amerikane kanë vërejtur shkëputje të shërbimeve të tyre televizive dhe radiofonike transmetuar nëpërmjet satelitit ''Hotbird'' drejt Iranit që prej ditës së enjte, datë e përvjetorit të Revolucionit Islamik.      "Ne dënojmë çdo ndërhyrje në valët e stacioneve tona televizive dhe radiofonike. Kjo bie në kundërshtim me marrëveshjet ndërkombëtare dhe lirinë e transmetimit që mbrohet nga traktatet ndërkombëtare'', vijon komunikata e tre grupeve mediatike.