Ish-diplomati britanik ne Tirane akuzohet per shperdorim detyre
Nje ish-diplomat qe ka sherbyer ne Ambasaden Britanike ne Tirane ka dale perpara nje gjykate ne Londer si i akuzuar per shperdorim te qellimshem detyre gjate shqyrtimit te aplikimeve per viza pune. Top Channel ekskluzivisht ka mundur te siguroje te gjitha detajet e kesaj ngjarje e cila u zbulua nga nje kontroll i brendshem i Ambasades Britanike pas marrjes se informacionit se nje punonjes abuzonte me detyren. Mark Griffith 44 vjec me dashje ka neglizhuar kryerjen e detyres si oficer intervistues i emigracionit gjate kohes kur ai punonte ne seksionin e vizave te Ambasades Britanike ne Tirane shkruhet ne aktakuze. Pas nje hetimi disamujor prokuroret britanike thone se Griffith neglizhoi detyren e shqyrtimit te aplikimeve gjate nje periudhe 18-mujore. Ish-diplomati ka leshuar viza duke shkelur proceduren e dhenies se tyre. Nuk eshte ende e qarte nese Griffith apo persona te tjere kane perfituar financiarisht nga shkeljet ne leshimin e vizave jashte standardeve te parashikuara nga ligji anglez i emigracionit. Bashke me ish-punonjesin e ambasades britanike eshte akuzuar edhe 39-vjecari Samuel Fongho. Nuk dihet ende se cili eshte roli Fonghos apo perfitimi nga moskryerja e detyres prej Mark Griffith. Te dy te akuzuarit gjate seances preliminare ne Gjykaten e Krimeve Southwark Crown Court ne Londer i kane mohuar akuzat. Mark Griffith me origjine nga qyteti Norwich i rendon akuza e shperdorimit te detyres ne nje zyre shteterore gjate periudhes 1 dhjetor 2005 deri me 1 maj 2007. Samuel Fongho banues ne zonen Middlesex ne Londer ka mohuar akuzat per keshillim dhe prokurim qe cuan ne neglizhencen e detyres nga Griffith. Gjykatesi John Price vendosi daten 6 qershor 2011 per te zhvilluar procesin gjyqesor qe parashikohet te zgjase kater deri ne gjashte jave. Top Channel i dergoi nje e-mail zyres se shtypit te Ministrise se Puneve te Jashtme britanike Foreign Office duke kerkuar nje prononcim per kete rast. Nepermjet zedheneses se saj kjo ministri nuk ka pranuar te komentoje rreth ketij rasti. Per momentin personi me misterioz ne kete histori eshte afrikani Samuel Fongho i cili nuk eshte diplomat.
Nga Londra Muhamed Veliu