Ish-ministri: Jam i hapur per hetimin e Gerdecit

Ish-ministri i Mbrojtjes, Fatmir Mediu, eshte i hapur per hetime per tragjedine e Gerdecit, pavaresisht imunitetit qe i jep mandati i deputetit. "Jam i hapur per zbardhjen e ngjarjes, ashtu sic eshte ne nderin e Kuvendit te Shqiperise qe te vleresoje ne te gjithe elementet kerkesen e akuzes dhe gjykimin tim per kete ceshtje", theksoi Mediu. Ai permendi se nuk e ka diskutuar asnjehere imunitetin dhe nuk i rri pas tij. "Kam kerkuar ne kohen, kur kam qene minister dhe kam kontaktuar me prokurore, duke afruar dokumentacion maksimal dhe opinionin tim ne cilesine e deklaruesit per ate cka kishte ndodhur ne Gerdec", sqaroi ish-ministri mbi procedurat e hetimit qe jane hapur ndaj tij. Madje, Mediu permendi dhe nje leter qe i ka derguar Prokurores se Pergjithshme pas tragjedise se Gerdecit, ku shprehte gatishmerine qe pavaresisht nga imuniteti, por bazuar mbi nenin 288 te Kodit te Procedures Penale, ishte i gatshem per te deponuar te gjitha faktet rreth kesaj ngjarjeje. "Jam perpjekur te respektoj procesin e hetimit dhe drejtesine dhe sic kam deklaruar kam ofruar me shkrim prane Prokurorise se Pergjithshme bashkepunimin. Kam heshtur per me shume se nje muaj ne respekt te drejtesise dhe institucioneve se deklarimi dhe adresimi publik i akuzes me detyron te jem perpara jush dhe opinionit per te bere publike faktet dhe dokumentet", vijoi ish-ministri. Mediu theksoi se nuk ka shkelur asnje ligj dhe s'ka bere asnje parregullsi, duke vijuar kritikat ndaj organit te akuzes se hetimet jane tendencioze dhe te njeanshme. Prokuroria e Pergjithshme i ka kerkuar Kuvendit heqjen e imunitetit per ish-ministrin e Mbrojtjes, Fatmir Mediu.

Kryeprokurorja Ina Rama u shpreh dite me pare, se pas hetimeve te kryera deri me sot nga organi i akuzes mbi shperthimin ne Gerdec, u evidentua se jane kryer veprime dhe mosveprime ne kundershtim me ligjin dhe ne mospermbushje te rregullt te detyres nga ish-ministri i Mbrojtjes, Fatmir Mediu. Sipas Prokurorise, rezulton se ne kete ceshtje eshte shperfillur mendimi i strukturave te Forcave te Armatosura si dhe rezulton se ish ministri ka miratuar akte nenligjore i orientuar nga interesa te subjekteve private. Rama permend se ish-ministri ka iniciuar hartimin dhe miratimin e disa akteve nenligjore per cmontimin. R.R