Ish të burgosurit politik në grevë: Të ndryshojë ligji

Shkak i protestës ekstreme të ish të burgosurve është moszbatimi i ligjit për dëmshpërblimin e kësaj kategorie, ndonëse për ta ky ligj është i cunguar dhe jo i plotë.
 
Grevistët po e zhvillojnë protestën e tyre në ambient të hapur, duke mos patur asnjë kusht. Ata akuzojnë qeverinë për papërgjegjshmëri, ndërsa deklarojnë se do t’i shkojnë deri në fund kërkesave të tyre, deri në vetëflijim.
 
Sipas statistikave, sot në Shqipëri zyrtarisht rezultojnë rreth 22 mijë ish të burgosur politik, të cilët kanë vuajtur dënimet politike gjatë kohës së diktaturës.