Ish te perndjekurit, sot Topi vizite ne muze

Shtresa e te perndjekurve politike ka qene ne qender te vemendjes se kreut te shtetit, Bamir Topi, gjate kesaj kohe. Pas takimeve te shpeshta qe ai ka bere ne Presidence me ta, por edhe vizitat ne spital, sot presidenti do te jete te Muzeu Kombetar per te bere nje vizite ne pavijonin e te perndjekurve politike.

Vizita do te realizohet ne oren 12.30 dhe presidenti do te shoqerohet nga drejtuesit e shoqatave te te perndjekurve politike. Gjate takimeve me te fundit qe Topi ka pasur me perfaqesues te shoqatave te ish te denuarve dhe te perndjekurve politike, pjese e diskutimit me ta ka qene edhe ligji per lustracionin.

Ish te perndjekurit dhe te denuarit politike kane shprehur rezervat e tyre lidhur me nenin 4 te ligjit, i cili, sipas krereve te ketyre shoqatave ka perjashtuar nga papajtueshmerite e funksioneve publike kategori te tjera funksionaresh te larte si ministrat, drejtuesit e institucioneve te tjera te larta politike, apo shteterore, sekretaret e partise dhe zyrtaret e larte te aparatit te Komitetit Qendror.

Ata jane shprehur per nevojen e zgjerimit te hapesires se ligjit per pastertine e figures se funksionareve te administrates publike dhe per bashkepunetoret e agjenturave te huaja.