Itali ministrja dorehiqet pas 24 oresh ne detyre
Një anëtare e kabinetit qeveritar në Itali dha dorëheqjen nga detyra e saj vetëm 24 orë pasi u betua në detyrën e ministres së Shanseve të Barabarta.
Michela Biancofiore, një prej politikaneve të përkrahura nga kryetari i Partisë së Popullit të Lirë, Silvio Berlusconi, u detyrua të dorëzonte detyrën pasi në një deklaratë mbi homoseksualët, tha se ata favorizojnë diskriminimin, duke u “izoluar në komunitetin e tyre”. Grupet e të drejtave të njeriut u treguan të shpejtë për të akuzuar ministren për homofobi dhe duke kërkuar ndjesë nëse deklaratat e saj kishin ofenduar dikë, Biancofiore pranoi se nuk mund të qëndronte më në detyrën që sapo i ishte caktuar. Megjithatë, në shtypin italian, ajo rikonfirmoi deklaratat e saj, ndërsa u shpreh pro lidhjes civile midis çifteve të së njëjtës gjini, por kundër martesës. Sipas analistëve, ky ndryshim në kabinet është pengesa e parë në punën tepër të vështirë që parashikohet të ketë kryeministri Enrico Letta. Nga ana e saj, Biancofiore do të ricaktohet në një detyrë shtetërore, në Ministrinë e Pushtetit Vendor.
Michela Biancofiore, një prej politikaneve të përkrahura nga kryetari i Partisë së Popullit të Lirë, Silvio Berlusconi, u detyrua të dorëzonte detyrën pasi në një deklaratë mbi homoseksualët, tha se ata favorizojnë diskriminimin, duke u “izoluar në komunitetin e tyre”. Grupet e të drejtave të njeriut u treguan të shpejtë për të akuzuar ministren për homofobi dhe duke kërkuar ndjesë nëse deklaratat e saj kishin ofenduar dikë, Biancofiore pranoi se nuk mund të qëndronte më në detyrën që sapo i ishte caktuar. Megjithatë, në shtypin italian, ajo rikonfirmoi deklaratat e saj, ndërsa u shpreh pro lidhjes civile midis çifteve të së njëjtës gjini, por kundër martesës. Sipas analistëve, ky ndryshim në kabinet është pengesa e parë në punën tepër të vështirë që parashikohet të ketë kryeministri Enrico Letta. Nga ana e saj, Biancofiore do të ricaktohet në një detyrë shtetërore, në Ministrinë e Pushtetit Vendor.