Itali, nis transferimi i emigrantëve

Italia transferoi sot 1 716 emigrantë nga Afrika e Veriut, shumica e të cilëve tunizianë, në një kamp strehimi në krahinën e Pulias.
Emigrantët kishin arritur me anije ditën e martë në Lampeduza, një ishull i vogël italian që gjendet shumë pranë brigjeve afrikane.

Një “qytet tendash” është ndërtuar për të sistemuar emigrantët në Manduria, një qytezë e krahinës së Pulias.

Vala e jashtëzakonshme e klandestinëve kishte krijuar një dyndje që kishte vendosur në krizë shërbimet sanitare në Lampeduza, ndërsa ishulli ishte njohur nga greva nga emigrantët dhe me revolta prej qytetarëve.

Pavarësisht se shumica e emigrantëve të paligjshëm kanë kërkuar të përfitojnë duke u deklaruar si azilantë politikë, e përditshmja “Il Giornale” informoi se Roma zyrtare ka ndërmend të kthejë nga 100 tunizianë çdo ditë.

Që prej fillimit të krizës në vendet arabe, mbi 20 mijë emigrantë kanë zbarkuar në Lampeduza, në kërkim të një jete më të mirë.