Italia i dhuron Shqipërisë libra në kujtim të arbëreshëve

Senati i Italisë i ka dhuruar parlamentit shqiptar një kolanë librash të rëndësishme në fushën e jurisprudencës, procedurave parlamentare dhe të shkencave politike, në kujtim dhe nderim të figurës Paolo Petta, funksionar arbëresh i Senatit.

Dorëzimi i kësaj kolane librash është bërë nga ambasadori italian në Tiranë Sabah D’elia për zëvendëskryetarin e Kuvendit të Shqipërisë, Ardian Turku, gjatë Konferencës “150 Vjet të Bashkimit të Italisë – 100 Vjet të Rilindjes së Shqipërisë”, ku është evidentuar edhe një herë se ndihmesa e arbëreshëve ka qenë vendimtare si për Rilindjen italiane ashtu dhe për Rilindjen shqiptare.

Kjo konferencë u organizua në kuadër të Panairit të librit, që po mbahet në Tiranë.