Ivanov: Kosova, jo pengesë për marrëdhëniet me Serbinë

"Çështjen duhet parë nga perspektiva rajonale dhe ndërkombëtare, duke marrë parasysh edhe specifikat e shoqërisë së Maqedonisë. Kosova nuk duhet t'i rëndojë marrëdhëniet bilaterale. Është më se e qartë se Maqedonia dhe Serbia kanë të drejtë të plotë të formulojnë politikën e vet në bazë të interesave të tyre kombëtare. Dëshiroj të theksoj se imperativ i politikës së jashtme të Maqedonisë është të vendosë marrëdhënie sa më të mira me të gjithë fqinjët", ka thënë Ivanov për gazetën e Beogradit "Blic".