Përdorimi i shqipes në Parlament, shtyhet seanca

PDSH dhe LSDM tashmë kanë dorëzuar amendamentet e tyre lidhur me ligjin për Parlamentin. Shefi i grupit parlamentar të PDSH-së, Imer Aliu ka theksuar se partia e tyre ka dorëzuar amendamente kryesisht për përdorimin e gjuhës shqipe në të gjitha trupat dhe organet e Parlamentit. “Ne nuk do të merremi me çështjet tjera që janë përfshirë në këtë ligj, përveç se që kërkojmë përdorim të plotë të gjuhës shqipe”, ka theksuar Aliu. Nga ana tjetër, LSDM me amendamentet e saj kërkoi ndryshime lidhur me procedurat parlamentare si dhe për shkarkimin e Rafiz Halitit nga posti i kryetarit të kanalit të tretë të RTVM, dhe zgjedhjen e kuadrit të saj në këtë detyrë. Nga VMRO DPMNE kanë theksuar se vërejtjet do ti shqyrtojë në takimet e koordinatorëve të grupeve parlamentare. (ina/start)