Ivanovic: Dialog pa shefat e shtetit dhe qeverise

Sekretari shteteror ne Ministrine serbe per Kosoven, Oliver Ivanovic, ka deklaruar se presidenti dhe kryeministri i ri i Serbise nuk do te jene pjese e ekipit negociator serb ne vazhdimin e dialogut me Prishtinen. Ai mendon se nje gje e tille do te nenkuptonte njohje direkte, ose e terthorte e pavaresise se Kosoves. "Mendoj se presidenti, por edhe kryeministri i ardhshem duhet te ruhen qe te mos bien ne kete kurth, qe te takohen ne takime bilaterale me dike qe nuk e pranojne", - ka thene Ivanovic per agjencine serbe te lajmeve, Tanjug. Ai ka deklaruar se eshte e qarte qe ne ciklin e ardhshem te dialogut me Kosoven do te hapen disa tema politike per te cilat duhet te ngrihen ekipe negociatore politike. "Mund te supozohet se ne vendin tone do te jete nje pozicion politik, por une besoj se kjo do te varet nga qendrimi i qeverise se re serbe", - tha ai.

Ivanovic shtoi se edhe Prishtina duhet te pergjigjet me te njejten menyre duke thene se "te ata veshtire se do te mund te ngrihet niveli mbi ate te zevendeskryeministrit dhe se negociatoret duhet te jene te pranueshem per Serbine, sepse perndryshe nuk do te kete negociata". Bisedimet teknike mes Kosoves e Serbise, te lehtesuara nga Brukseli, u nderprene per shkak te zgjedhjeve parlamentare e presidenciale ne Serbi. Nuk eshte caktuar ndonje agjende per rifillimin e tyre, nderkohe, qe ka zera ne rritje, se pa zbatimin e marreveshjeve te arritura ne bisedimet e mehershme, nuk do kete rinisje te tyre.

Bisedimet e nisura ne mars te 2011 kane prodhuar shtate marreveshje, por zbatimi i tyre, ka ngecur, dhe per kete, si Kosova, ashtu edhe Bashkimi Europian, fajin e ka hedhur te Beogradi zyrtar.