Ja propozimet për 8 ambasadorët e rinj të Kosovës

Kosova pritet të emërojë 8 ambasadorët e rinj të saj. Sipas gazetës Zëri njëri prej tyre është Akan Ismajli i cili pritet të emërohet shumë shpejt ambasador i Kosovës në SHBA. Në Bruksel, Ilir Dugollin pritet ta zëvendësoj ish-ministri i Ekonomisë dhe Financave, Ahmet Shala, ndërsa vendin vakant në Shqipëri do ta plotësojë komandanti i FSK-së, Sylejman Selimi.
Sipas burimeve të Zërit, Ylber Hysa do të emërohet ambasador në Maqedoni, i cili deri më tani ka punuar si koordinator për strategjinë gjithëpërfshirëse të veriut. Në kuadër të “rokadës” diplomatike, kanë përfituar edhe njerëz të afërt të Pacollit. Amir Ahmeti, deputet i Partisë së Drejtësisë, do të emërohet ambasador në një vend arab. Po ashtu Esat Brajshori në Çeki, kurse një tjetër anëtar i AKR-së, Shpend Kallaba do të emërohet në Bullgari si dhe Skender Gjakaliu në Gjermani, njeri ky që ka punuar në ministri të Arsimit, në kohën kur ishte ministër Enver Hoxhaj.