Jahjaga: Takimi si dy shtete te pavarura, konstruktiv

Presidentja e Kosoves e Kosoves Atifete Jahjaga, eshte takuar dje me presidentin e Serbise, Tomisllav Nikollic. Ky eshte takimi i pare qe zhvillohet ne kete nivel mes zyrtareve te dy vendeve, qe pas shpalljes se pavaresise se Kosoves. Takimi u zhvillua ne Bruksel, me ndermjetesimin e Perfaqesues se Larte per Politiken e Jashtme te BE, Catherine Ashton. Pas takimit, presidentja e Kosoves, e ka quajtur ate nje konstruktiv. “Ishte takimi i pare ne nivel presidentesh te Republikes se Kosoves dhe te Republikes se Serbise, si shtete te pavarura e sovrane, te pranuara si subjekte nderkombetare. Takimi u zhvillua ne atmosfere konstruktive dhe i dhame mbeshtetje te pergjithshme te normalizimit te marredhenieve me shtetet e tona, qe eshte ne funksion te lehtesimit te jetes se qytetareve tane, ne funksion te paqes dhe stabilizimit ne rajon dhe rruges drejt BE-se”, u shpreh Jahjaga. Presidentja e Kosoves, u shpreh se ne bisedime eshte rene dakord per t’i dhene mbeshtetje procesit te dialogut te kryeministrave, qe ka per qellim gjetjen e zgjidhjeve ne funksion te normalizimit. Ajo shtoi se takimi i kontribuon fqinjesise se mire. Ajo ka kembengulur serish, se per veriun e Kosoves, nuk do te kete asnje status tjeter, vec atij qe percaktohet me ligjet dhe Kushtetuten e Kosoves. Presidentja kosovare ka thene se nuk ka alternative tjeter dhe se propozimi per ndonje autonomi eventuale per veriun, do te bente qe serbet nga pjeset tjera te Kosoves, te shpernguleshin per ne veri. Jahjaga u shpreh se do te kete vend edhe per takime te tjera me homologun e saj serb. Nderkohe presidenti Serb, nuk ka pranuar te beje komente te gjata per takimin. “Ne kuader te dialogut, te cilin e mbeshtes, une para dy muajsh kam propozuar te takohemi me presidenten Jahjaga. Fatkeqesisht, zonja Jahjaga me histori librash ka folur per te drejtat e njeriut dhe ka insistuar ne ate, qe dy shtetet e pavarura duhet te bashkepunojne”, ka thene presidenti serb. Takimi mes dy presidenteve, u zhvillua ne kabinetin e shefes per Politike te Jashtme te Bashkimit Evropian, Catherine Ashton dhe ka perfunduar rreth ores 18:30. Fillimisht Ashton, ka takuar ne vetem secilin nga presidentit. Ndersa me pas dy delegacionet kane zhvilluar nje takim te perbashket, ne prani te Ashton. Diplomate te BE-se kane shfaqur bindjen, se takimi i se merkures eshte mbeshtetje e rendesishme per bisedimet qe po zhvillohen ndermjet kryeministrave te Kosoves dhe Serbise, Hashim Thaci dhe Ivica Dacic.