Jala,Olldashi: Prishja e ndërtimeve, sipas ligjit
Ministri i Punëve Publike, Sokol Olldashi ka reaguar pas deklaratave të Bankës Botërore për projektin e Jalës. Olldashi ka deklaruar se prishja e ndërtimeve, ishte në kuadër të politikës së qeverisë për ndërtimet e paligjshme.
TIRANE- Ministri i Punëve Publike, Sokol Olldashi ka reaguar pas deklaratave të Bankës Botërore për projektin e Jalës. Ai ka shpjeguar se prishja e objekteve në këtë zonë nuk u bë me kërkesë të institucionit financiar ndërkombëtar. Por ato ishin në kuadër të politikës së qeverisë për shëmbjen e ndërtimeve të paligjshme, politikë kjo për të cilën Banka Botërore është në dijeni.
"Në asnjë rrethanë, në asnjë rast, asnjë përfaqësues i qeverisë Shqiptare nuk ka thënë se ndërtimet në Jalë janë prishur me kërkesë të Bankës Botërore. Ndërtimet në Jalë janë prishur në zbatim rigoroz të ligjit shqiptar që vepron në territorin e Shqipërisë"- ka thënë Olldashi, gjatë një konference për mediat.
Ndërkohë, Ministri ka bërë të ditur se prishja e ndërtimeve në Jalë, ka të bëjë me zbatimin e ligjit ashtu sic është vepruar me prishjen e qindra ndërtimeve pa leje përgjatë bregdetit shqiptar.
Olldashi theksoi se Banka Botërore ka qenë në dijeni të politikës së qeverisë në lidhje me ndërtimet pa leje, madje edhe e ka aprovuar këtë politikë.
Sipas kreut të MPPTT,12 ndërtimet e prishura në Jalë në prill 2007 ishin pa leje, pa dokument pronësie të tokës mbi të cilën ishin ndërtuar këto objekte dhe mbi të gjitha kishin prishur imazhin turistik të kësaj zone.
(e.n/Balkanweb)
TIRANE- Ministri i Punëve Publike, Sokol Olldashi ka reaguar pas deklaratave të Bankës Botërore për projektin e Jalës. Ai ka shpjeguar se prishja e objekteve në këtë zonë nuk u bë me kërkesë të institucionit financiar ndërkombëtar. Por ato ishin në kuadër të politikës së qeverisë për shëmbjen e ndërtimeve të paligjshme, politikë kjo për të cilën Banka Botërore është në dijeni.
"Në asnjë rrethanë, në asnjë rast, asnjë përfaqësues i qeverisë Shqiptare nuk ka thënë se ndërtimet në Jalë janë prishur me kërkesë të Bankës Botërore. Ndërtimet në Jalë janë prishur në zbatim rigoroz të ligjit shqiptar që vepron në territorin e Shqipërisë"- ka thënë Olldashi, gjatë një konference për mediat.
Ndërkohë, Ministri ka bërë të ditur se prishja e ndërtimeve në Jalë, ka të bëjë me zbatimin e ligjit ashtu sic është vepruar me prishjen e qindra ndërtimeve pa leje përgjatë bregdetit shqiptar.
Olldashi theksoi se Banka Botërore ka qenë në dijeni të politikës së qeverisë në lidhje me ndërtimet pa leje, madje edhe e ka aprovuar këtë politikë.
Sipas kreut të MPPTT,12 ndërtimet e prishura në Jalë në prill 2007 ishin pa leje, pa dokument pronësie të tokës mbi të cilën ishin ndërtuar këto objekte dhe mbi të gjitha kishin prishur imazhin turistik të kësaj zone.
(e.n/Balkanweb)