"Jane prodhuar 830 mije karta, duhen terhequr"

Numri i qytetareve qe kane aplikuar per t'u pajisur me karten e identitetit, kap shifren 1 milion e 17 mije ne te gjithe vendin. Kjo ishte edhe shifra qe paraqiti diten e djeshme Ministria e Brendshme me ane te nje deklarate per shtyp. Sipas zedhenesit te kesaj Ministrie, firma prodhuese e kartave te identitetit ka mundur te nxjerre deri tani 830 mije karta dhe po punon per plotesimin e numrit. "Ministria e Brendshme, informon opinionin publik se numri i qytetareve qe kane aplikuar per leternjoftimin elektronik, arriti ne shifren 1 milion e 17 mije dhe jane prodhuar deri me tani 830 mije leternjoftime", deklaroi Konja ne nje komunikim me median. Po keshtu Ministria e Brendshme u beri thirrje te gjithe qytetareve qe kane aplikuar deri ne daten 8 maj, per t'u pajisur me kartat e reja te identitetit, te paraqiten prane zyrave perkatese te gjendjes civile per t'i terhequr ato, pasi tashme jane prodhuar nga firma prodhuese. Sipas zedhenesit te kesaj ministrie, jane rreth 300 mije leternjoftime, te derguara prane ketyre zyrave qe presin te merren nga qytetaret qe kane aplikuar per to. "Deri me daten 20 maj 2009 kane terhequr leternjoftimet e tyre 490 mije qytetare. Ministria e Brendshme i ben edhe njehere thirrje qytetareve qe kane aplikuar per leternjoftimet e tyre deri me daten 8 maj 2009, te paraqiten per te terhequr keto leternjoftime prane zyrave te aplikimit", deklaroi per mediat, zedhenesi i Ministrise, Fatmir Konjati. Njeheresh ai theksoi se procesi per kartat e reja te identifikimit tashme eshte i perhapur ne te gjithe vendin dhe zyrat e gjendjes civile jane te hapura, per te pritur aplikimin e qytetareve. Ne lidhje me numrin e ketyre zyrave, zedhenesi i Ministrise se Brendshme konfirmoi se 357 zyra te gjendjes civile dhe 502 stacione pune, funksionojne pertej orareve per te pritur edhe qytetaret qe duan te bejne aplikimin.