Japoni prani radioaktive tek orizi
Prani lënde radioaktive nën nivelin e sigurisë është zbuluar tek orizi në Japoni, për herë të parë që nga shpërthimi i krizës bërthamore në Fukushima.
Gjurmët vijnë nga një qytet i prefekturës së Fukushimës, që ndodhet rreth 60 kilometra larg centralit atomik.
Qeveria po shqyrton mundësinë e ndalimit të dërgesave të orizit nga zona ku u gjet lënda radioaktive.
Në Japoni janë regjistruar në muajt e fundit një seri problemesh me praninë radioaktive tek ushqimi, kryesisht tek mishi, kërpudhat dhe caji jeshil, por kurrë më parë tek një element kryesor sic është orizi.
Orizi i infektuar po bëhej gati të dërgohej në treg, por autoritetet lokale deklaruan më vonë se ai u ndalua dhe asnjë gram i tij nuk është shitur.
Zbulimi vë në dukje vështirësitë për ndalimin e radiacionit, që është përhapur në lindje të Japonisë nga era dhe shiu.
Qeveritë lokale në zonat rurale kanë ngritur qendra kontrolli në përpjekje për të siguruar që produktet e kontaminuara të mos depërtojnë në zinxhirin e ushqimit.
Javën e kaluar qeveria metropolitane e Tokios nisi testimin e një sërë kampionesh nga objekte të blera në dyqanet e kryeqytetit, në përpjekje për të qetësuar opinionin e shqetësuar publik.
Javën e kaluar gazetarët japonezë, por edhe nga vende të tjera të botës, u lejuan të hynin në impiantin bërthamor të Fukushimës, për herë të parë që nga dëmtimi i shkaktuar nga tërmeti dhe tsunami i 11 marsit.
Një raport zyrtar i publikuar më herët gjatë muajit vlerësonte se mbyllja përfundimtare e katër reaktorëve të centralit të dëmtuar mund të kërkojë deri në 30 vjet kohë.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Leka Zogu në gjendje të rëndë
Pretendenti i Fronit Mbretëror, ndodhet i shtruar në spitalin nr. 5 në Tiranë
Eurobondet shqiptare “fluturojnë” në 11%
Topi: Tolerancë e munguar
BE: Liria e medias thelbësore
Kredia, Bode fluturon në Abu Dhabi