Jemen, sulmohet Garda Republikane në Sana

Fiset anti-qeveritare në Jemen kanë sulmuar bazën ushtarake në veri të kryeqytetit Sana, duke vrarë komandantin e saj dhe duke arrestuar 16 ushtarë.
 

Mësohet se gjenerali Ahmed Abdullah al-Keleibi është vrarë në përleshjet që u zhvilluan në bazën e Gardës Republikane, por njoftimet e tilla nuk mund të konfirmohen në mënyrë të pavarur.
 

Elita e Gardës Republikane, e cila është fajësuar nga opozita për sulmet ndaj protestuesve anti-qeveritarë, është nën komandën e djalit të presidentit Ali Abduallah Saleh.
 

Ndërkohë, mijëra njerëz kanë vazhduar edhe sot protestat kundër Salehut. Të njëjtit kanë shënuar përvjetorin e revolucionit të 26 shtatorit, kur Jemeni ka shpallur republikën.