Jolie s’do që fëmijët ta shohin duke “vdekur”

Aktorja Angelina Jolie, shumë shpesh, nuk i lejon fëmijët e vet të shikojnë disa prej filmave të saj, ku ajo në fund “vdes”.

“Nuk dëshiroj që fëmijët e mi të shohin filma, ku përpiqen të më vrasin mua. Nuk besoj se do ta pëlqenin. Unë jam shumë e lumtur që kam luajtur në filma, edhe për fëmijë, dhe ata mund ta shohin nënën e tyre”, thotë Angelina.

Ditë më parë Angelina Jolie ka pranuar se mezi pret të bëhet gjyshe.

“Unë do të përpiqem që të qëndroj e shëndetshme që të arrij t’i shoh nipat e mi. Mezi e pres atë ditë”, ka thënë ajo.