Junajtid prek fundin me dy rekorde negative, pronari i klubit humb tre vende në listën e më të pasurve të Britanisë

Humbja e Junajtid përballë Çelsit ka qenë një tjetër “mundësi” e shfrytëzuar nga lojtarët për të arritur rekorde të tjerë të errët në historinë e klubit.

Të besuarit e Amorim kanë fituar vetëm 10 prej 37 takimeve të zhvilluara deri më tani duke vendosur një rekord të ri e duke “përmirësuar” atë të sezonit 2021-22 ku po pas kaq takimesh kishin marrë vetëm 16 fitore. Ndërsa me këtë humbje në Londër, Junajtid zgjati në plot tetë takime serinë e dueleve radhazi pa fitore si kurrë më parë në historinë e klubit. Rrezultatet negative në fushë janë reflektuar edhe në aspketin ekonomik.

Sipas llogaritjeve të “The Sunday Times Rich List”, Sër Xhim Ratklif ka humbur 6.5 miliardë £ në 12 muajt e fundit. Ai zbret kështu në vendin e shtatë në listën e personave më të pasur të Britanisë së Madhe duke humbur plot tri vende karahasuar me renditjen e një viti më parë.