Juridiku, senati i UT ngre nje komision verifikimi

Nje mbledhje urgjente e zhvilluar dje pasdite mes anetareve te senatit te Universitetit te Tiranes ka vendosur ngritjen e nje komisioni qe do merret ditet ne vazhdim me kete ceshtje. Keshtu, senati vendosi me shumice votash, ngritjen e nje grupi pune te perbere nga inxhiniere, te cilet do te matin parametrat inxhinierike te shteses, qe eshte bere ne Fakultetin e Shkencave Sociale, i cili ka sjelle probleme ne Fakultetin e Drejtesise. Nderkohe, nje studim i para disa koheve ka nxjerre, qe carjet ne kete fakultet jane shume serioze dhe mund te jene katastrofike per studentet. Punonjesit e personelit dhe studentet shprehen se jane te alarmuar per situaten ne te cilen jane te detyruar te zhvillojne mesim, ndersa shtojne se jeta e tyre dhe e mbi 2 mije studenteve qe ndjekin keta auditore, eshte ne rrezik serioz. Pervec avancimit te carjeve, ata i tremben me shume ndonje fenomeni natyror, sic jane termetet, i cili do ta rrafshonte godinen, pasi ajo nuk duron fare. Ata kerkojne nderhyrjen e menjehershme te strukturave perkatese dhe e quajne absurde faktin qe neglizhohet ne kete menyre demtimi i godines se tyre, ndersa projektuesi i shteses se Shkencave Sociale i ka larguar te gjitha pergjegjesite nga vetja duke ia deleguar ato, firmes zbatuese. Gati dy vjet qe pas shenjave te para te plasaritjeve, ato jane thelluar edhe me, gje qe tregon se tabani nuk eshte i sigurt dhe carjet vazhdojne te avancojne. Por jo vetem muret, tashme demtimi eshte aq i dukshem, saqe ka pesuar rreshqitje edhe dyshemeje e hollit kryesor te godines se Drejtesise. Ekspertet e Inxhinierise se Ndertimit kane konkluduar se shkak per kete gje, jane bere kolonat mbajtese te shteses se Shkencave Sociale, te cilat kane demtuar themelet e godines ekzistuese. Pikerisht per kete arsye ata kane bere matje te vazhdueshme dhe ne tre auditoret me te demtuara te katit te pare, ata kane vene mates xhami, nje pjese e te cileve jane thyer.

2500 Studente Jane te kercenuar nga rreziku i shembjes se godines se Fakultetit te Drejtesise. Ne kete te fundit prej afro dy vjetesh, kane filluar te shfaqen carje te thella ne muret e disa auditoreve, cka ka vene alarmin per rrezikun qe u kanoset studenteve.