KB: S'ka prova per trafikim organesh

Hetuesit e Kombeve te Bashkuara nuk kane gjetur prova se shqiptaret e Kosoves kane trafikuar organet e serbeve gjate luftes ne Kosove, ka thene zedhenesja e Tribunalit te Hages, Olga Karvan. Sipas saj, Zyra e Prokurorit dhe Misioni i Kombeve te Bashkuara ne Kosove kane zhvilluar hetime dhe kane vizituar terrenin ne veri te Shqiperise, por nuk kane gjetur fakte per akuza te tilla dhe, sic tha ajo, nuk ka baze per vazhdimin e hetimeve. Akuzat jane bere nga ish-kryeprokurorja e Tribunalit te Hages, Karla del Ponte, ne librin e saj te fundit, ne te cilin ajo shkruan se shqiptaret e Kosoves kane vrare nje numer serbesh, te cilet i kane transportuar ne veri te Shqiperise dhe me pas kane shitur organet e tyre. Zonja Del Ponte thote se i bazon informacionet e saj mbi njoftime te ardhura nga gazetare, sipas saj te besueshem. Organizata Nderkombetare per te drejtat e njeriut, Human Rights Watch, i ka nxitur autoritetet e Kosoves te bejne hetime lidhur me akuzat e zonjes del Ponte. Edhe Rusia e Serbia kane kerkuar hetime per rastin. Autoritetet ne Kosove, nderkaq, i kane quajtur keto akuza fabrikime me qellim te njollosjes se luftes se ish-Ushtrise Clirimtare te Kosoves.