KE: Studimi i fizibilitetit për Kosovën në vjeshtë

Shefi në largim i delegacionit të Komisionit Europian në Beograd, Josep Lloveras, ka ritheksuar se Kosova ka perspektivë evropiane sikur edhe tërë rajoni. Ndërkaq studimi i fizibilitetit i integrimeve evropiane që po hartohet për Kosovën nuk ka lidhje me statusin e saj, ka thë Loveras për mediat serbe. "Dëshirojmë që i gjithë rajoni të kthehet drejt Bashkimit Evropian, që të përmirësohet jeta e njerëzve të thjeshtë si dhe të forcohet ekonomia. Prandaj edhe Komisioni do të hartojë studimin e fizibilitetit për Kosovën, i cili do të duhej të jetë i gatshëm në vjeshtë, në mënyrë që të vlerësohet përparimi i mëtejmë europian i Kosovës", ka theksuar Loveras.
I pyetur nëse studimi do të përmendë Kosovën e pavarur, Loveras ka thënë se "nuk mund të them se si do të duket studimi, por mendoj se fjala është për një raport i cili karshi stausit është neutral".