KLD: Gati shorti per tete anetaret e kolegjit zgjedhor, per qershorin 2009

Me hyrjen ne fuqi te Kodi Zgjedhor, KLD, ne baze te Nenit 146 te tij, i lind detyrimi te organizoje proceduren e hedhjes se shortit, per perzgjedhjen e tete gjyqtareve qe do te jene anetare te Kolegjit Zgjedhor te Gjykates se Apelit, Tirane. Kolegji Zgjedhor ka si detyre funksionale te tij, shqyrtimin e ankimeve te subjekteve zgjedhore ndaj vendimeve te dhena KQZ. Njekohesisht, ky kolegj, shqyrton edhe ankimet e paraqitura nga individet apo partite politike, te cilave u eshte refuzuar kerkesa per t'u regjistruar si subjekt zgjedhor. Sipas dispozites se lartpermendur, brenda 5 diteve, nga dekretimi i dates se zgjedhjeve nga Presidenti i Republikes, hidhet shorti i perzgjedhjes se gjyqtareve, anetare te Kolegjit Zgjedhor. Hedhja e shortit organizohet nga KLD, duke e bere perzgjedhjen nepermjet te gjithe gjyqtareve te gjykatave te Apelit. Perjashtohen nga perzgjedhja me short, gjyqtaret per te cilet, eshte vendosur fillimi i ceshtjes penale, eshte ne fuqi nje mase disiplinore, eshte filluar procedimi disiplinor. Brenda 48 oreve nga dalja e dekretit te Presidentit per percaktimin e dates se zgjedhjeve, Keshilli, informon per listen e gjyqtareve qe do te perfshihen ne short, dy partite parlamentare te shumices dhe dy partite parlamentare te opozites qe kane numrin me te madh te mandateve ne Kuvend. Ne procesin e perzgjedhjes me short, merr pjese publiku, perfaqesuesit e partive politike, koalicionet dhe media. Pas nxjerrjes se tete emrave nga kutia, secili nga perfaqesuesit e dy partive te pozites dhe dy partive te opozites me numrin me te madh te mandateve ne Kuvend, ka te drejte te perjashtoje nje prej tete emrave te nxjerre nga kutia e shortit, duke mos pasur te drejten e kundershtimit, asnje nga partite e tjera. Kerkesa per perjashtim permban vetem emrin e gjyqtarit, pa permendur shkaqet e perjashtimit dhe eshte procedure e fshehte. KLD, kur konstaton rastin e perjashtimit, brenda nje ore nga shorti i pare, organizon nje hedhje te dyte te shortit, per te zevendesuar emrat e perjashtuar nga partite politike. S.P

Betimi

Tete emrat qe mbeten, perbejne Kolegjin Zgjedhor te Gjykates se Apelit, Tirane dhe menjehere delegohen ne kete detyre nga KLD. Brenda 24 oreve nga perzgjedhja me short, te tete anetaret e Kolegjit, ne nje ceremoni publike, ne prani te KLD dhe nen drejtimin e Presidentit te Republikes bejne betimin.