KQZ: Te henen del rezultati i zgjedhjeve

Komisioni Qendror i Zgjedhjeve pritet te shpalle diten e hene rezultatin perfundimtar te zgjedhjeve. Pasi Kolegji Zgjedhor u dha fund shqyrtimeve te ankimimeve te subjekteve politike e meqe ato nuk sollen asnje ndryshim thelbesor ne vendimet e ketij komisioni, gjate gjithe ketyre diteve anetaret kane vijuar me shpalljen e mandateve te qarqeve qe mbylleshin ligjerisht nga ana e kolegjit.

Tanime mbetet vetem vendimi per Fierin, qe pritet te merret sot dhe vendimi per Qarkun e Shkodres dhe te Tiranes, te cilat u mbyllen dje nga KQZ-ja. Deri me tani jane shpallur 81 mandate dhe mbeten per te marre verdiktin e KQZ-se edhe 59 mandate te tjera, perkatesisht 32 te Qarkut te Tiranes, 11 te Shkodres dhe 16 te Qarkut te Fierit.

Diten e hene, si momentin per shpalljen e rezultatit zyrtar te zgjedhjeve, e konfirmoi dje publikisht kreu i KQZ-se, Arben Ristani.

Detyrimi per te shpallur rezultatin perfundimtar te zgjedhjeve eshte parashikuar ne pjesen e trete te Kodit Zgjedhor, ne nenin 167 te tij, ku thuhet se rezultati perfundimtar i zgjedhjeve shpallet nga KQZ-ja jo me vone se 5 dite nga data e shpalljes se rezultatit per shperndarjen e mandateve per çdo zone zgjedhore, sipas pikes 7 te nenit 163 te ketij kodi dhe pasi te kene perfunduar procedurat e ankimimit, sipas ketij kodi.

Neni 123 i Kodit Zgjedhor parashikon se KQZ-ja nxjerr rezultatet e votimit per zonen zgjedhore, ne baze te tabelave te rezultateve te nxjerra nga çdo KZAZ e zones zgjedhore perkatese. Per kete, KQZ-ja ploteson tabelen permbledhese te rezultatit per zonen zgjedhore dhe e miraton ate me vendim jo me vone se 48 ore nga mberritja e te gjitha tabelave te zones zgjedhore.

Ligji parashikon se vendimi per miratimin e tabeles se rezultatit zgjedhor mund te ankimohet ne KQZ bashke me rezultatin. Pritet qe KQZ te jape nje ide me te qarte te pjesemarrjes se votuesve ne keto zgjedhje, e cila shkon afer 50% sipas rezultateve paraprake. Kushtetuta parashikon se pas shpalljes se rezultatit fillojne pergatitjet per krijimin e qeverise, e drejte e cila i takon forces qe ka marre me shume mandate.