KQZ miratoi akreditimin e Glover dhe 39 vezhguesve te OSBE/ODIHR
Komisioni Qendror i Zgjedhjeve, njeh misionin e vezhguesve te OSBE/ODIHR si dhe kryetaren Audrey Glover. Me shumice votash, KQZ miratoi dje akreditimin e 39 vezhguesve te huaj, qe do te monitorojne zgjedhjet parlamentare te 28 qershorit si dhe procesin para dhe pas zhvillimit te tyre. "KQZ, pasi shqyrtoi dokumentacionin e paraqitur si dhe degjoi diskutimet e perfaqesuesve te partive politike vendosi te miratoje 39 vezhgues afatgjate te Misionit te Vezhgimit te Zgjedhjeve te OSBE/ODIHR, sipas listes te percaktuar", miratoi komisioni me i larte zgjedhor. Vendimi hyn ne fuqi menjehere, duke mundesuar keshtu qe vezhguesit te nisin sa me pare nga puna me monitorimin e situates para zgjedhore ne Shqiperi. Vendimi erdhi pas dorezimit te kerkeses qe misioni i vezhgimit te zgjedhjeve i OSBE/ODIHR beri ne KQZ. Dokumentacioni i dorezuar, u vleresua si i rregullt dhe ne baze te kushteve dhe kerkesave qe jane ne Kodin Zgjedhor. Pak dite me pare, autoritetet vendave, kritikuan emerimin e Audrey Glover ne krye te ketij misioni vezhgues. Glover ka qene ne krye te misionit vezhgues dhe ne zgjedhjet problematike te vitit 1996 dhe ka dhene vleresime, aspak pozitive per vendin.