KQZ miraton draft-raportin e 2009-ës, do e prezantojë në Kuvend

Komisioni Qendror i Zgjedhjeve ka miratuar draft raportin e punës së tij për vitin 2009-të që do të depozitojë në Parlament. Zgjedhjet e përgjithshme parlamentare të 28 qershorit zënë padyshim edhe veprimtarinë më të madhe të punës së këtij institucioni. Përgatitjet për këto zgjedhje janë pasqyruar në mënyrë të detajuar në draftin i cili do t'i shkojë Kuvendit të Shqipërisë. Përveç zgjedhjeve parlamentare, zgjedhjet e pjeshme në disa bashki dhe komuna kanë qënë gjithashtu një nga angazhimet jo të vogla të këtij institucioni.