KQZ miraton projektbuxhetin
Komisioni Qendror i Zgjedhjeve miraton sot projektbuxhetin e zgjedhjeve parlamentare te 28 qershorit. Ai ka perllogaritur shifren prej 6.8 milione dollaresh si kosto perfundimtare. Burimet nga KQZ-ja sqarojne se u eshte dhene materiali anetareve dhe perfaqesuesve te partive. Ne relacion detajohen te gjithe zerat qe perbejne buxhetin e zgjedhjeve. Procesi i numerimit te votave permes kamerave do te kushtoje 1.4 milione dollare. Per here te pare, grupet e numerimit te votave do te kene mbi koke nje monitor dhe çdo flete votimi do te pasqyrohet ne te. Ne ambientet e Komisionit Qendror te Zgjedhjeve do te funksionojne monitore qe pasqyrojne aktivitetin nga 66 Komisionet Zonale Zgjedhore dhe procesi do mund te ndiqet “online”, duke pare gjithe problemet e mundshme. Mbi nje milion dollare do te shkojne per pagat e mbi 41 mije komisionereve te niveleve te ndryshme. KQZ pritet te kerkoje shtypjen e rreth 3 milion e 200 mije fleteve te votimit.