KQZ shtyn sërish miratimin e tabelës për Kukësin

Shtyhet sërish miratimi i tabelës së rezultatit zgjedhor për qarkun e Kukësit.  Vendimi u mora nga KQZ-ja pas kërkesës së përfaqesuesve ligjor të PS-së e të LSI-së për të vijuar verifikimin e të gjitha tabelave të rezultateve në këtë qark .

Po ashtu KQZ-ja vendosi të numërojë  votat në KZAZ-në numër 80 në Gjirokastër pasi tabela e  rezultateve në këtë qark është e paplotësuar me votat e një qendre votimi.

Ndërkaq  përfaqësusit politik kërkuan kohë që të njihen me tabelat e rezultateve për qarkun e Dibrës ,  Korçës, Beratit dhe Vlorës në mënyrë që në mbledhjet e ardhshme të miratohen të plota këto tabela.