KS: Rezoluta kundër Iranit është e gatshme për votim

Rezoluta e Kombeve të Bashkuara për sanksione të reja kundër Iranit është e gatshme për votim në Këshillin e Sigurimit. Ambasadorja e Meksikës, Klod Heller, kryesuese aktuale e këshillit, tha se anëtarët e këshillit kanë vendosur "të votojnë këtë javë", ndaj pritet që kjo javë të jetë vendimtare përsa i përket çështjes së programit bërthamor. Megjithatë, ambasadorja e Brazilit, Luiza Ribeiro Vioti tha se vendi i saj dhe Turqia insistojnë fillimisht për një debat të hapur politik mbi çështjen bërthamore të Iranit.
Shtetet e Bashkuara, autorë të tekstit, javën e kaluar thanë është bërë përparim në plotësimin e kërkesave të anëtarëve të tjerë të Këshillit të Sigurimit.
Ndërkohë, kreu i Agjencisë Ndërkombëtare për Energji Bërthamore, Jukija Amano, tha se Teherani ka dështuar të bashkëpunojë me agjencinë për "të konfirmuar se të gjitha materialet bërthamore në Iran janë për qëllime paqësore".