KS voton për dënimin e sulmit në anijen e Koresë së Jugut

Një propozim rezolutë e Këshillit të Sigurimit të Kombeve të Bashkuara, dënon atë që e cilëson si sulm që çoi në fundosjen e anijes luftarake të Koresë Jugore, por dështoi që ta fajësoj Korenë Veriore.
Votimi për këtë propozim rezolutë pritet më vonë gjatë ditës së sotme. Koreja Jugore e ka fajësuar Korenë Veriore për fundosjen e anijes në muajin mars, ku janë vrarë të 46 marinarët e saj. Koreja Veriore është kërcënuar se do të përgjigjet "me veprime ushtarake" për çfarëdo aksioni të Këshillit të Sigurimit, për këtë çështje.