Kacin PD dhe PS nuk po i mbajne premtimet per procesin e integrimit
Konflikti i gjate i politikes shqiptare pritet te reflektohet ne vleresimet e Brukselit per Shqiperine. Ky eshte mesazhi qe percjell nje jave perpara publikimit te raportit te KE-se zevendeskryetari i delegacionit te Parlamentit Europian per Shqiperine Zhelko Kacin. Brukseli zyrtar i ben thirrje klases politike te tregohet serioze dhe realiste ne prioritetet strategjike qe jane celesi kryesor per integrimin e Shqiperise.
Ky raport do te jepet me 12 tetor dhe ai do na paraqese progresin ose jo progresin e Shqiperise. Fatkeqesisht ne rastin e Shqiperise vendi eshte bllokuar per nje periudhe te gjate nga konflikti i shumices me opoziten. Te dyja palet pozita dhe opozita mund te premtojne se integrimi ne BE eshte alfa dhe omega por kur ne vezhgojme praktikat politike te perditshme veme re se ato jane komplet te ndryshme nga premtimet. Nuk eshte e mjaftueshme te deklarosh dicka. Ju keni nevoje ta zhvilloni dhe ta zbatoni ate jo vetem njehere por ne vazhdimesi tha zv.kryetari i delegacionit te PE-se per Europen Juglindore Zhelko Kacin per AS TV. Lidhur me pergjigjen qe pritet te marre Shqiperia me 12 tetor Zhelko Kacin thote se politika shqiptare ndodhet perballe sfides per te treguar veten. Sipas tij klasa politike shqiptare duhet te krijoje besim te qytetaret por edhe te faktori nderkombetar. Pas gjithe ketyre eksperiencave negative te ketyre viteve ne Shqiperi une besoj se politika shqiptare duhet ta tregoje veten. Kjo eshte sfida per politikanet. Ndoshta mund te duhet ende nje vit ose dy per treguar imazh tjeter per ta prezantuar veten perseri ne ate nivel qe ne tu besojme atyre deklaratave dhe premtimeve qe bejne politikanet. Tani per tani une mendoj se ekziston nje dallim i madh midis fjaleve dhe realitetit vijoi Kacin.
Jane gjithsej 12 rekomandime per te plotesuar nga klasa politike shqiptare. Me 12 tetor pritet te dale raporti i radhes se Komisionit Europian ne lidhje me plotesimin e kushteve te Shqiperise mbi procesin e integrimit. Dy vite me pare Shqiperia dorezoi zyrtarisht kerkesen per marrjen e statusit te vendit kandidat per ne BE. Kjo kerkese e tille u be gjate periudhes ku presidencen e radhes se BE-se e kishte ekia. Por prej dy vitesh qeveria nuk ka marre nje pergjigje pozitive per statusin e vendit kandidatit. Madje qeverise shqiptare iu vendosen 12 kushte per tu plotesuar. Kriza politike qe pas zgjedhjeve te 28 qershorit 2009 ka bere qe Shqiperia te mos i plotesoje 12 kriteret e BE-se.