Kaka tek Interi negociatat ne nentor
Dicka me pak se kater muaj. Kjo eshte periudha qe mbetet deri ne fund te 2010-s. Me pas me ardhjen e vitit te ri cdo dite e janarit do te jete si nje test per te pare sa do te mund te realizohet transferimi i Kakase tek Interi. Me fjale te tjera klubi zikalter nuk nxitohet per te siguruar sherbimet e yllit brazilian te Realit te Madridit. Javet e ardhshme do te sherbejne per te studiuar deri ne detaje planin e luftes per te vendosur kontaktet me klubin spanjoll dhe per te percaktuar levizjet e duhura per negociatat. Vetem pasi gjithcka te jete gati do te nisin bisedimet e verteta. Duke pare ate qe ka arritur te realizoje Milani duke blere me cmime qesharake Zlatan Ibrahimovic dhe Robinjon objektivi kryesor ne radhet e klubit zikalter eshte qe operacioni per afrimin e Kakase te jete low-cost nje huazim 6-mujor deri ne fund te sezonit dhe me pas blerja e plote e kartonit te mesfushorit ne fund te vitit 2011. Nje prej pikave ne te cilen pritet te perqendrohen bisedimet eshte nese blerja e lojtarit do te ndodhe nese drejtuesit e Interit jane te kenaqur me paraqitjet e brazilianit ose nese kontrata do ti detyroje ata qe ta blejne. Megjithate nje gje eshte e sigurt veshtire se Reali i Madridit do te veproje ashtu si beri Barcelona me Ibrahimovic duke e liruar sulmuesin suedez per 24 milione euro paragrave qe Milani do ti paguaje ne tre keste. Vetem nje vit me pare vlera e Ibres 70 milione euro ishte e perafert me ate te Kakase 685 milione euro por katalanet e shiten me cmim disa here me te lire per shkak te problemeve ndermjet lojtarit dhe trajnerit Guardiola. Interi shpreson qe e njejta gje te perseritet kete here me Kakane ne menyre qe braziliani te largohet nen kosto nga Santiago Bernabeu. Pjesa tjeter nuk do te perbeje asnje problem pasi presidenti Masimo Morati eshte i gatshem qe gjate huazimit te paguaje gjysmen e rroges prej 9 milione euro te parashikuar ne kontraten e 28-vjecarit me skuadren merengue.
Kontaktet e para ndermjet paleve do te nisin qe prej javeve te ardhshme por sipas te gjitha gjasave zyrtaret e Interit dhe te Realit do te ulen per here te pare ne te njejten tavoline vetem pas dy muajve. Me 3 nentor drejtuesit e klubit spanjoll do te zbarkojne ne Itali per sfiden me Milanin ne Champions League. Kjo e ben te paevitueshem faktin qe Morati ka shansin te takohet personalisht me Perez. Marredheniet ndermjet tyre jane mjaft te mira edhe sepse gjate muajit maj ishin dy presidentet ata qe zgjidhen ceshtjen e gjobes per prishjen e kontrates se Zhoze Murinjos duke i lejuar trajnerit qe te ulej ne stolin e madrileneve. Situata u zgjidh ne harkun e pak minutave ndersa sipas marreveshjes Interi gezon nje kredi me vlere 6 milione euro te Reali. Kjo shifer do te shfrytezohet ne negociatat per Kaka.