Kakavijë, arrestohet trafikanti grek
Foto ilustruese / Arkiv
20 kilogram marijuanë janë sekuestruar sot në pikën e kalimit kufitar në Kakavijë, ndërsa në pranga është vënë poseduesi i tyre, një shtetas grek.
Burime nga Gjirokastra, bëjnë të ditur për Shekullin se, Antonis Dudalaqis, 24 vjeç, nga Pireu, është ndaluar gjatë kontrollit në automjetin e tij tip Honda, me targa greke “KPZ 1545″.
Sasia e lëndës narkotike është gjetur e paketuar në 17 pako. 10 prej tyre ishin fshehur në parakolpin e makinës, ndërsa 7 të tjerat në dyert e saj. 24-vjeçari grek udhëtonte nga Gjirokastra drejt Athinës. / Entela Bani