Kalimi i Riberisë tek Juve mund të realizohet

Torino - Frenk Riberi vazhdon të jetë në qendër të mediave për kalimin e tij të mundshëm tek skuadra e Juventusit në Serinë A. Zërat për kalimin e francezit në Torino i përforcon edhe menaxheri i tij, duke deklaruar se një gjë e tillë mund të realizohet. Në një intervistë për Tuttosport menaxheri i Riberisë shprehet se, edhe në qoftë se Bajerni nuk do të lëshojë futbollistin, përsëri ai do të shohë të ardhmen e vet.

Në një sondazh të zhvilluar nga klubi i Juventusit, se kë dëshironin tifozët: Kasanon, David Silvën, apo Riberinë?, 55 % e tyre rezultuan se preferojnë këtë të fundit.

Në anën tjetër spanjolli David Silva është shprehur në një intervistë, se nëse do të largohet nga Valencia, Juventusi është një mundësi për të ardhmen e tij.