Kamëz,organizohet panari i biznesit

Qendra e zhvillimit të biznesit në Kamëz hap për herë të parë panairin e biznesit në këtë bashki, i cili panair do të jetë tashmë pjesë e traditës së përvitshme. Bashkia e Kamzës i ka dhënë mbështetje të veçantë biznesit , i cili ka ndihmuar edhe në zhvillimin urban të këtij qyteti. Kryetari i bashkisë së Kamzës, Xhelal Mziu ka theksuar se një nga prioritetet kryesore të kësaj bashkie është zhvillimi i biznesit.
I pranishëm në këtë panair ishte edhe ministri i Arsimit, Myqerem Tafaj njëherësh edhe deputet i zonës se Kamzës , i cili u shpreh se Kamza po zhvillohet në shpejtesi , duke përgëzuar kështu drejtuesit e bashkisë për punën dhe mbështetjen që i ka dhënë biznesit.
Shumë shpejt , qendra e zhvillimit të biznesit në bashkëpunim me Bashkinë e Kamzës do të krijojnë një album dhe një gazetë për promovimin e bizneseve të këtij qyteti.