Kampionati Kombëtar i Qitjes me Pjatel, në vendin e parë u rendit Alban Demerxhiu i ekipit të Kastriotit

Për të 12-in vit radhazi Federata Shqiptare e Qitjes ka zhvilluar Kampionatin Kombëtar të Qitjes me pjatel, një disiplinë kjo popullore e qitjes.

Këtë vit kjo veprimtari është zhvilluar në ambientet e Kompleksit Sportiv “Marenglen Laçi” në Pukë, për nder qitësit pukjan Dash Haxhia.

“Doja të falënderoja Perparimin dhe bashkinë e Pukës që gjithmonë na ka përkrahur”, u shpreh Stefan Rrufa, President i Federatës Shqiptare të Qitjes Sportive.

“Kjo është një disiplinë e re që ka hyrë në Federatën Shqiptare të Qitjes dhe është viti i 12 që ne e zhvillojmë këtë”, u shpreh Perparim Laci, Presidenti i Shoqatës shumë sporteshe “Tërbuni” .

Në këtë kampionat morën pjesë 25 qitës, të cilët kanë përfaqësuar klubet e Vllaznisë, Tërbunit, Tomorit, Besëlidhjes, Kastritotit dhe Teutës. 

Sipas drejtuesve të Federatës Shqiptare të Qitjes, për organizimin model të kësaj veprimtarie ka pasur meritë klubi pritës i Tërbunit, ndërsa priten edhe veprimtari të tjera të mbahen së shpejti.

/RTSH/