Kanceri i melcise, operacioni edhe ne Shqiperi
Mjeket e Qendres Spitalore Universitare "Nene Tereza", kane mundur te kryejne nje nga operacionet me te rralla te melcise. Heqja e tumorit prej ketij organi ka qene e pamundur deri me sot ne vendin tone. Por, pas trajnimeve dhe specializimeve te bera ne vendet e tjera, mjeket e QSUT-se kane mundur qe te realizojne me sukses kete operacion. "Ky konsiderohej nje nga nderhyrjet kirurgjikale me te veshtira per ne, ndonese ne vendet e tjera ky operacion realizohej prej vitesh. Por e rendesishmja eshte se pacientet tashme kete operacion mund ta kryejne ne vendin e tyre dhe pa shume probleme", pohuan dje mjeket specialiste gastro-hepatologe. Sipas tyre, pacientet e prekur nga kjo semundje jane shtuar per shkak te cerozave te melcise. Kjo e fundit eshte nje semundje qe shkaktohet nga demtimi i indit te melcise ku pjesa e shendoshe e ketij organi zevendesohet me inde pa jete, gje qe pastaj ne menyre te vazhdueshme mund ta shkaterroje totalisht melcine. Fillimisht, pacientet nuk kane dhimbje te melcise dhe kjo ben qe i semuri te paraqitet ne grade shume te rende te mjeku. Ndersa tani me kryerjen e operacioneve, pacientet shpetojne jeten e tyre, nderkohe qe nje nderhyrje e tille kryhej ne Itali apo edhe Turqi per rreth 40 mije euro. "Pervecse ky eshte nje sukses, per ne eshte edhe nje e mire per gjithe kete grup pacientesh per vete faktin se sherohen. Po keshtu, nje tjeter ane pozitive eshte se ne spitalin tone kjo kushton shume here me pak se ne vendet fqinje, ku kryhej ky lloj operacioni deri me tani", pohojne mjeket specialiste.
“Elektroshoku ne zemer"
Pak muaj me pare, mjeket kardiologe kroate dhe ata te Qendres Spitalore "Nene Tereza" per here te pare kane kryer nje nga operacionet e rralla, ate te vendosjes se nje aparature brenda ne zemer. Dhe eshte pikerisht defibrilatori i platinueshem qe eshte vendosur te nje 56-vjecar. Kjo aparature do te mund te riktheje perseri ne pune zemren e ketij personi per 7 sekonda, nese ajo pushon se funksionuari. Sipas mjekeve te cilet kane kryer kete operacion, pacienti nuk do te kete nevoje per nje elektroshok te jashtem, por goditja do te behet nga kjo aparature brenda ne zemer. Aparatura me madhesine e nje kutie shkrepeseje mundeson shkarkimin e elektricitetit ne zemer ne rastet kur organi vuan nga aritmite dhe problemet kardiovaskulare te rrezikshme per jeten.