Kandidati per president dhe e shoqja paraqiten si terroriste

UASHINGTON - Ne Shtetet e Bashkuara ka lindur nje polemike e re lidhur me karikaturat, ne te cilat kesaj radhe paraqitet kandidati i Partise Demokratike per President, Barack Obama. Ne faqen e pare te gazetes 'New Yorker' eshte publikuar karikatura ne te cilen Obama paraqitet si mysliman, ndersa gruaja e tij si terroriste e armatosur. Gazeta 'New Yorker' tha se kjo karikature ka domethenien e satires pas thashethemeve qe jane perhapur per z.Obama. Por, zyrtare te fushates se tij kete e kane vleresuar si "te pashije dhe ofenduese". Karikatura e paraqitur ne faqen e pare te gazetes 'New Yorker' e tregon Obamen me rroba myslimane ne Shtepine e Bardhe. Bashkeshortja e tij, Michelle, eshte ne rroba ushtarake dhe me nje pushke automatike ne krah. Aty shihet edhe flamuri amerikan duke u djegur, ndersa ne mur eshte i varur portreti i Bin Ladenit. Ky ilustrim eshte menduar te jete sulm satirik ndaj kritikeve, qe, sic thote gazeta, shpeshhere e shtremberojne portretin e Obamas. Kjo u referohet thashethemeve qe perhapen lidhur me jeten e ciftit bashkeshortor nga ana e rivaleve, e qe kryesisht thone se Obama, qe eshte i krishtere, por me emrin e babes Husein, fshehtas eshte mysliman, se ai do te jete i bute ndaj terrorizmit dhe se cifti bashkeshortor nuk eshte patriotik.

Por, ka edhe te atille qe kete situate nuk e shohin si shaka. Barack Obama, qe mund te jete Presidenti i pare afrikano-amerikan i Shteteve te Bashkuara, nuk tha asgje lidhur me kete ilustrim ne gazete. I pyetur per te komentuar, ai tha shkurt: "Nuk kam pergjigje ndaj kesaj". Por, zedhenesi i tij, Bill Burton, kete karikature e cilesoi si "te pashije dhe ofenduese". Qendrim te tille pati edhe John McCain, rivali republikan i Obamas. "Une mendoj se eshte totalisht e pavend dhe sinqerisht e kuptoj nese senatori Obama dhe mbeshtetesit e tij e konsiderojne ate ofenduese", tha John McCain.