"Kandidimi i Mustafajt, jostatutor"

Perfaqesuesit e larte te Partise Demokratike duket se nuk aprovojne menyren se si ish-ministri i Jashtem, aktualisht sekretar per Marredheniet Nderkombetare ne PD, Besnik Mustafaj po shkon drejt zgjedhjeve per postin e kryetarit te Partise Demokratike, te kryeqytetit. Keshtu ne nje prononcim per mediat, kryetari i grupit parlamentar te PD, njekohesisht nenkryetar i kesaj partie, Astrit Patozi e cilesoi si veteshpallje, kandidimin e Mustafajt, qe bie ne kundershtim me vete statutin e PD-se. Sipas nenkryetarit te PD-se, Astrit Patozit, kjo veteshpallje e kandidatures nuk ben pjese ne parimet dhe zakonet e partise me te madhe te mazhorances. "Eshte nje zgjedhje personale e tij, e cila ne nje fare menyre nuk perkon me zakonet e Partise Demokratike dhe aq me teper me statutin e saj", deklaroi kreu i grupit parlamentare te PD-se, ne lidhje me kandidimin e deputetit te PD-se, Besnik Mustafaj. Ky konstatim nga ana e nenkryetarit te PD-se, Astrit Patozi vjen pasi kandidatura e Besnik Mustafajt, eshte e vetmja kandidature nga ato qe jane shpallur deri tani, e cila nuk ka ardhur si nje propozim i seksioneve baze te Partise Demokratike, ose strukturave me te larta te kesaj partie. Keshtu sipas statutit te kesaj partie, kandidaturat ne garen e PD-se duhet te jene propozime te seksioneve te kesaj partie, ose forumeve te tjera te larta te demokrateve. Nga ana tjeter, ish-ministri i Jashtem, Besnik Mustafaj ka qene edhe kandidatura e pare, e shpallur ne garen per kryetarin e Partise Demokratike ne Tirane. Pas kesaj shpalljeje cdo dite e me shume deputete te Partise Demokratike, po propozohen nga sesionet ne baze te kesaj partie, per kete gare. Burimet prane selise se PD-se, bejne te ditur se do te jete vete kryesia e kesaj partie, e cila do te beje propozimet te reja, ne lidhje me emrat e gares per kryesimin e PD-se ne Tirane, pasi lista e kandidaturave eshte teper e gjate dhe nevojitet nje "korrektim" i tyre. Por duket se do te vazhdojne per nje kohe te gjate garat e deklaratave mes perfaqesuesve te PD-se, per kete sfide brenda partise, per te zene postet drejtuese te degeve. Kjo per faktin se burimet bejne te ditur se vetem ne muajin prill, pritet te mbahen zgjedhjet per kryetarin e ri te PD-se ne kryeqytet, pikerisht atehere, kur propozimet e seksioneve te korrektuara nga ana e kryesise qendrore te partise, do te hidhen si kandidatura reale per postin e kreut te deges me te madhe ne vend. Keshtu ende nuk ka perfunduar perzgjedhja e kryetareve te PD-se ne qytetet e vogla dhe te mesme te vendit. Qytetet e medha perfshi ketu edhe Tiranen, do te jene te fundit qe do t'i nenshtrohen ketij procesi per faktin se organizimi i zgjedhjeve ne keto qytete eshte me i nderlikuar, duke u nisur nga numri i madh i banoreve.

Statuti

Statuti i Partise Demokratike parashikon se do te jete kryesia qendrore e kesaj partie e cila do te vendos ne lidhje me kandidatura e shpallura, deri sa te afrohen zgjedhjet per Tiranen. Keshtu do te jene perfaqesuesit e kryesise ata qe do te nxjerrin edhe emrat perfundimtare qe do te kalojne ne gare.