Kaq peshojnë

Komisioni Qendror i Zgjedhjeve do ta publikojë të hënën e ardhshme rezultatin final të zgjedhjeve. Certifikimin do ta bëjë më 5 ose 9 shkurt. Në Parlamentin e ri të Kosovës, duke mos llogaritur votat me kusht, PDK do të ketë 35 deputetë, LDK 27, Vetëvendosje 13, AAK 12 dhe AKR 8. Pakicat kanë fituar 25 ulëse. Nga Valmir Klaiqi më 25 janar 2011 në ora 08:27

Pas rivotimit në Mitrovicë, procesi i zgjedhjeve të jashtëzakonshme në Kosovë po shkon drejt përmbylljes së plotë.

Komisioni Qendror Zgjedhor po punon së bashku me Qendrën e Numërimit dhe Rezultateve për të arritur deri te certifikimi i rezultateve, që është parakusht për nisjen e konstituimit të institucioneve të reja të Kosovës.

KQZ ka përgatitur një kalendar që tregon hapat që pritet të ndërmerren për të arritur te rezultati final i zgjedhjeve nacionale.

Express ka siguruar një kopje të kalendarit të KQZ’së, sipas të cilit më 31 janar KQZ planifikon ta publikojë rezultatin e plotë të zgjedhjeve, ku përfshihen edhe votat e vlefshme me kusht, të cilat do të verifikohen dhe numërohen prej 25 deri më 28 janar.
Janë rreth 35 mijë vota me kusht.

Më 5 ose më 9 shkurt, sipas kalendarit të KQZ’së, do të bëhet certifikimi i rezultatit.
Brenda këtij afati kohor është llogaritur edhe shqyrtimi i ankesave eventuale ndaj rezultatit final dhe marrja e vendimeve për to në PZAP ose edhe në Gjykatën Supreme.
Ndryshe, deri këtë të premte do të nxirret rezultati final për rivotimin në Mitrovicë.

Shkrimin e plotë mund ta lexoni në Express...